„მეფუტკრეობის მხარდაჭერის პროგრამის“ მიზანია სოფლად ეკონომიკის განვითარება, კონკურენტუნარიანი და მდგრადი მეფუტკრეობის დარგის ჩამოყალიბების ხელშეწყობის გზით.

პროგრამის ამოცანას წარმოადგენს საფუტკრე მეურნეობების მატერიალურ-ტექნიკური ბაზის გაუმჯობესება, ფუტკრის მოვლა-შენახვის მდგომარეობის ნორმალიზაცია და წარმოებული თაფლისა და მეფუტკრეობის სხვა პროდუქტების ხარისხისა და რაოდენობის ზრდა, ასევე თაფლის მწარმოებლებისთვის მდგრადობის ხელშეწყობა და წარმოების მართვის პროცესების გაუმჯობესება.

პროგრამის ფარგლებში ბენეფიციარი მიიღებს თანადაფინანსებას ერთი სკის ღირებულების არაუმეტეს 50%-ს, მაგრამ არაუმეტეს 70 ლარის ოდენობით.

ერთ ბენეფიციარზე თანადაფინანსება არ უნდა აღემატებოდეს 5,000 ლარს.

დასაფინანსებელი სკის მახასიათებლები და პარამეტრები:

1. დაფინანსდება სკები (ჩარჩოების გარეშე) - ლანგსტროტ რუტის, 3 ძირითადი კორპუსით ( 10 ჩარჩოიანი ზომის)
2. დადან ბლატოს, 2 ძირითადი კორპუსით (10 ჩარჩოიანი ზომის), რომელზეც მითითებულია მაიდენტიფიცირებელი მონაცემები.

პროგრამა ხორციელდება ქვეყნის მაშტაბით

მეფუტკრეობის მიმართულებით დაგეგმილი საქმიანობები

პროგრამაში მონაწილეობის მიღება შეუძლია:

საქართველოს მოქალაქე ფიზიკური პირს ან საქართველოში რეგისტრირებულ მეწარმე იურიდიულ/ფიზიკურ პირს, სადაც სახელმწიფო არ ფლობს წილს/პაის/აქციას.

შენიშვნა : პროგრამის ფარგლებში არ დაფინანსდება კოოპერატივები.

• პოტენციური ბენეფიციარის პირადობის მოწმობის ასლი
• ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან (სამეწარმეო სტატუსის შემთხვევაში);
• ამონაწერი ეკონომიკურ საქმიანობათა რეესტრიდან
• სსიპ სურსათის ეროვნული სააგენტოს მიერ ცხოველთა იდენტიფიკაციისა და მიკვლევადობის ეროვნული სისტემის (NAITS) შესაბამისად გაცემული წერილობითი დოკუმენტი, რომელიც ადასტურებს პოტენციური ბენეფიციარის საფუტკრე მეურნეობად რეგისტრაციისა და არანაკლებ 10 ფუტკრის ოჯახის (არანაკლებ 10 სკის) ფლობის ფაქტს;
• ინვოის(ებ)ი ან/და მხარეებს შორის გაფორმებული ხელშეკრულება
• საბანკო რეკვიზიტები;
• სხვა დამატებითი დოკუმენტები, სააგენტოს მიერ მოთხოვნის შემთხვევაში.

მიმდინარე